दुचाकींच्या धडकेत जुन्नरला एकाचा मृत्यू

जुन्नर, ता. १४ : गोळेगाव ते बनकर फाटा रस्त्यावर मुक्ताई मंदिराजवळ शुक्रवारी (ता. १३) रात्री दोन दुचाकींची समोरसमोर धडक होऊन झालेल्या अपघातात दादाभाऊ सीताराम जाधव (वय २९, रा. अहिनवेवाडी, ता. जुन्नर) यांचा मृत्यू झाला. याबाबत जुन्नर पोलिसांनी लहू नवनाथ खेडकर (वय २८, रा. अवसरी खुर्द, ता. आंबेगाव) याच्याविरुद्ध गुन्हा दाखल केला. याबाबत मच्छिंद्र सीताराम जाधव यांनी फिर्याद दिली.