जुन्नरच्या आदिवासी भागात भात रोपवाटिकेची लगबग

जुन्नर, ता. १२ : जुन्नरच्या आदिवासी डोंगरी भागात भात रोपवाटिका करण्याची लगबग सुरु झाली आहे.
‘आत्मा’चे तंत्रज्ञान व्यवस्थापक सूर्यकांत विरणक यांनी पारगावतर्फे मढ (ता. जुन्नर) येथील प्रयोगशील शेतकरी अर्जुन घोडे यांच्या शेतावर भात रोपवाटिका कशी तयार करावी व भाताच्या मॅट नर्सरीची माहिती दिली. यावेळी कृषी सहायक सुभाष मडके व परिसरातील शेतकरी उपस्थित होते. भात लागवड करण्यासाठी यंत्राचा वापर केल्यामुळे वेळेची व खर्चाची बचत होऊन उत्पन्नात वाढ होत आहे. शेतकरी आता यांत्रिकीकरणकडे वळत असल्याचे विरणक यांनी सांगितले.