जुन्नर शहरात मुसळधार पाऊस

जुन्नर, ता. ११ : जुन्नर शहर व परिसरात शनिवारी दुपारी विजेच्या कडकडाटासह मुसळधार पाऊस झाला. सकाळपासून वातावरणातील उकाड्याने हैराण झालेल्या नागरिकांना दुपारी अचानक झालेल्या जोराच्या पावसाने दिलासा मिळाला. शासकीय कार्यालये, बँका आदींना सुट्टी असल्याने वर्दळीचे प्रमाण कमी होते. सुमारे अर्धा तास झालेल्या पावसाने रस्त्यावरील भाजी व किरकोळ विक्रेते तसेच नागरिकांची चांगलीच धावपळ उडाली.       
शहराच्या मुख्य रस्त्यावरून मोठ्या प्रमाणात पाणी वाहत होते. तर काही ठिकाणी वाऱ्याने झाडांच्या फांद्या पडल्या.