महिलेच्या तक्रारीवरून पोलिसावर गुन्हा दाखल

जुन्नर, ता. १३ : पोलिस भरतीसाठी मदत करण्याच्या हेतूने मोबाईलवरून विवाहित महिलेशी लज्जा उत्पन्न होईल, असे वर्तन करणाऱ्या गणेश बाळू जोरी या वाहतूक पोलिसाच्या विरोधात गुन्हा दाखल केला आहे. तो जुन्नर पोलिस ठाण्यात नेमणुकीस असून, त्यास निलंबित केल्याचे पोलिस निरीक्षक विकास जाधव यांनी सांगितले. याबाबत पीडित महिलेने फिर्याद दिली आहे. जोरी हा ३ ते ८ जून या कालावधीत फोनवर व्हॉइस व व्हिडिओ कॉल करून त्यावर अश्लील भाषेत बोलून मनास लज्जा उत्पन्न होईल, असे कृत्य करत असल्याचे फिर्यादीत नमूद केले आहे. महिलेच्या तक्रारीवरून पोलिसांनी ९ जून रोजी रात्री गुन्हा दाखल केला आहे.