सावरगाव आरोग्य केंद्रात जन औषध दिन

जुन्नर, ता. ७ : सावरगाव (ता. जुन्नर) येथील प्राथमिक आरोग्य केंद्रामध्ये जन औषध दिन साजरा झाला. आरोग्य केंद्राच्या परिसरातील हृदय व मधुमेह रुग्णांसाठी हा उपक्रम आयोजित केला होता. यावेळी सावरगावचे सरपंच दीपक बाळसराफ, उपसरपंच संजीवनी हिंगे, गुंजाळवाडीचे उपसरपंच धर्मेंद्र डोंगरे आदी उपस्थित होते.

यावेळी जेनेरिक औषधांची माहिती सांगण्यात आली. तसेच उपस्थित १७ मधुमेही व २२ हृदयरोग रुग्णांना मोफत जेनेरिक औषधे दिली व योगशिक्षक सुनील पवार यांनी उपस्थितांना योगाविषयी मार्गदर्शन केले.

वैद्यकीय अधिकारी डॉ.जाहिद जाफरी, डॉ.अक्षय जाधवर यांनी प्रास्ताविक व स्वागत केले. आरोग्य सेवक सुनील पवार यांनी आभार मानले. दिलीप कचेरे यांनी सूत्रसंचालन केले. सुनंदा पाचपुते, विजय दिवटे, शिवपुत्र कोळी, सुनील पवार, अफसर शेख, नम्रता साळवे, छाया घोडे, दया गोसावी, सविता दातखिळे, संतोष ढमढेरे व आशा कार्यकर्त्यांचे सहकार्य लाभले.