जुन्नर पोटनिवडणुकीतील विजयी उमेदवार जाहीर

जुन्नर, ता. १९ : जुन्नर तालुक्यातील १६ ग्रामपंचायतींच्या १९ जागांसाठी झालेल्या पोटनिवडणुकीत विजयी व बिनविरोध निवडून आलेले उमेदवार शुक्रवारी (ता. १९) मतमोजणीनंतर जाहीर केल्याची माहिती निवडणूक नायब तहसीलदार सुधीर वाघमारे यांनी दिली.
सदस्याचे निधन, राजीनामा, सदस्यत्व रद्द झाल्याने तसेच नाम निर्देशन पत्र न आल्याने रिक्त झालेल्या तालुक्यातील ४३ ग्रामपंचायतीच्या रिक्त जागांसाठी निवडणूक झाली. यात वानेवाडी ग्रामपंचायतीच्या थेट सरपंच व सर्व सदस्यांसाठी निवडणूक जाहीर झाली होती. मात्र, उमेदवारी अर्ज न आल्याने सर्व जागा रिक्त राहिल्या. तसेच, उर्वरित २६ ग्रामपंचयीच्या रिक्त सदस्यपदाच्या जागा उमेदवारी अर्ज न आल्याने रिक्त राहिल्या असून, येथे पुन्हा पोटनिवडणूक जाहीर होईल, असेही वाघमारे यांनी सांगितले.
पाच ग्रामपंचायतीच्या प्रत्येकी एका जागेसाठी सरळ लढत झाली. यातील विजयी उमेदवार व त्यांना पडलेली मते पुढीलप्रमाणे : मंगरूळ : सविता प्रवीण खराडे, दातखिळेवाडी : जयश्री भरत भालेकर, चावंड : आशा सोमनाथ शिंगाडे, इंगळूण : संगीता विलास मुद्गुन, गोद्रे : मीरा भीमा रेंगडे. अकरा ग्रामपंचायतींमध्ये बिनविरोध निवडून आलेले १४ उमेदवार पुढीलप्रमाणे : हातवीज : राहुल सोमा सुपे, उषा दारकू पारधी, मीना विलास भलचिम. राजूर : संगीत पांडुरंग पठारे, सविता प्रदीप मुंढे. अहिनवेवाडी : गोरक्षनाथ जाधव. अलदरे : नामदेव तुकाराम घोगरे. उच्छिल : उषा प्रवीण आढारी. येणेरे : रूपाली किशोर घोगरे. पूर : सीताबाई दामोदर चिमटे. आपटाळे : संगीता सुनील साबळे. नळवणे : पल्लवी नवनाथ गंगे. वारूळवाडी : मीना संतोष वारुळे. पारगावतर्फे मढ : भरती प्रकाश चकवे.