पळसदेव येथे विद्यालयात योगासनांची प्रात्यक्षिके

कळस, ता. २३ : पळसदेव (ता. इंदापूर) येथील गीता शिक्षण प्रसारक मंडळ संचलित एल. जी. बनसुडे विद्यालयात योगदिनानिमित्त विद्यार्थ्यांनी योगासने सादर केली. योगाचे प्रात्यक्षिक व मार्गदर्शन आर्ट ऑफ लिविंगचे बिपिन मोहिते व दीपक अनपट यांनी केले.
शरीर सुदृढ, निरोगी व रोगापासून मुक्ततेसाठी योगासनाचे महत्त्व या वेळी विद्यार्थ्यांना पटवून देण्यात आले. संस्थचे संस्थापक अध्यक्ष हनुमंत बनसुडे, सचिव नितीन बनसुडे, प्राचार्या वंदना बनसुडे, प्राचार्य राहुल वायसे, शिक्षक व शिक्षकेतर कर्मचारी, पालक उपस्थित होते.