बोरीपार्धीत काकासाहेब थोरात यांना अभिवादन

केडगाव, ता. ३१ : ज्येष्ठ कामगार नेते काकासाहेब थोरात यांच्या २४ व्या स्मृतीदिनानिमित्त विविध संस्था संघटनांकडून आदरांजली वाहण्यात आली. यावेळी बोरीपार्धी (ता. दौंड) येथे आयोजित करण्यात आलेल्या रक्तदान शिबिरात १०८ जणांनी रक्तदान केले.
आमदार राहुल कुल, महानंदाच्या माजी अध्यक्षा वैशाली नागवडे, महेश भागवत, राष्ट्रवादी काँग्रेसचे तालुकाध्यक्ष नितीन दोरगे, तुषार थोरात, राहुल कापरे, डॉ. मधुकर आव्हाड, डॉ. यशवंत खताळ, अप्पासाहेब हंडाळ, विठ्ठल कोकरे, बाळासाहेब तोंडेपाटील, वामन जाधव, इंद्रजित चांदगुडे, सरपंच बी. डी. सोडनवर, अभिषेक थोरात, डॉ. निखिल थोरात आदी उपस्थित होते.
आमदार राहुल कुल यांनी काकासाहेब थोरात यांच्या समाधीचे पूजन करून रक्तदान शिबिराचे उद्‍घाटन केले. शिबिराला चांगला प्रतिसाद मिळाला. महा ब्लड सेंटरने रक्त संकलनाचे काम केले. अभिषेक थोरात युवा मंच व काकासाहेब थोरात पतसंस्था यांनी शिबिराची व्यवस्था पाहिली. पंढरीनाथ घायतडक यांनी सूत्रसंचालन केले तर सदानंद थोरात यांनी आभार मानले.