निघोजे सोसायटीच्या अध्यक्षपदी सत्यवान येळवंडे

कुरुळी, ता. ११ ः निघोजे (ता. खेड) येथील निघोजे विविध कार्यकारी सहकारी सोसायटीच्या निवडणुकीत राष्ट्रवादी पुरस्कृत पॅनेलने दणदणीत विजय मिळविला. आमदार दिलीप मोहिते पाटील यांच्या मार्गदर्शनाखाली माजी अध्यक्ष स्वामी येळवंडे यांच्या श्रीनाथ महाराज शेतकरी सहकारी पॅनेलने बहुमत मिळविले. खेड कृषी उत्पन्न बाजार समिती येथे निवडणूक निर्णय अधिकारी एस. लादे यांच्या अध्यक्षतेखाली निवडणूक घेण्यात आली.
यावेळी अध्यक्ष पदासाठी सत्यवान येळवंडे व उपाध्यक्ष पदासाठी बाळासाहेब भंडलकर यांचा एकमेव अर्ज दाखल झाल्याने त्यांची बिनविरोध निवड झाल्याची माहिती निवडणूक निर्णय अधिकारी एस. लादे, सचिव चंदन पानसरे यांनी दिली.
या निवडणूक प्रकियेत माजी अध्यक्ष स्वामी येळवंडे, अमित येळवंडे, कैलास येळवंडे, विकास येळवंडे, यशवंत फडके, जितेंद्र आल्हाट, बेबीताई येळवंडे, मिराबाई मराठे सहभागी झाले होते. येळवंडे, भंडलकर यांची बिनविरोध निवड झाल्यावर
त्यांचा सत्कार माजी सभापती विलास कातोरे, बाळ ठाकूर, अशोक राक्षे, सरपंच परिषद अध्यक्ष आशिष येळवंडे, रामदास येळवंडे, गजानन येळवंडे, ज्ञानेश्वर येळवंडे पाटील, बाळासाहेब येळवंडे यांच्या हस्ते करण्यात आला.