कुरुळी येथे ट्रकच्या धडकेत एक ठार

कुरुळी, ता.२८ ः कुरुळी गावच्या हद्दीत ट्रकने दुचाकीला धडक दिल्याने झालेल्या अपघातात एकजण ठार झाला. या प्रकरणात प्रदीप बबन पिंगळे (रा. वाकी खुर्द, ता. खेड यांनी फिर्याद दिली असून ट्रक चालकाच्या विरोधात गुन्हा दाखल करण्यात आला आहे. या अपघातात संजय अंबादास कैतके (वय ३३, रा. मोशी) यांचा मृत्यू झाला आहे तर रतन पाटील (रा. मोशी) हे जखमी झाले आहेत. संजय कैतके हे त्यांच्या दुचाकीवरून रतन पाटील यांना सोबत घेऊन जात होते त्यांच्या दुचाकीला आरोपीच्या ट्रकने धडक दिली. त्यात संजय यांचा मृत्यू झाला तर रतन हे गंभीर जखमी झाले आहेत.