मोई येथे गुटखा जप्त

कुरुळी, ता. ३ : मोई (ता. खेड) येथील गावठाण येथून पोलिसांनी ८४ हजार रुपयांचा गुटखा जप्त केला. ही कारवाई मंगळवारी (ता. २) सकाळी दहा वाजता करण्यात आली. यात पोलिसांनी किराणा दुकानदार हेमराज हमीरराम देवासी (वय ४०, रा. मोई) याला अटक केली असून, रामलाल व शाकीब (संपूर्ण नावे निष्पन्न नाहीत) हे दोन संशयित आरोपी हे फरारी आहेत. देवासी याने त्याच्या दुकानात परवानगी नसतानाही बेकायदेशीररीत्या गुटखा विकण्यास ठेवला होता. पोलिसांना याची खबर मिळताच पोलिसांनी दुकानावर छापा टाकून तेथून ८४ हजार ३६७ रुपयांचा गुटखा जप्त केला.