पक्षावर निष्ठा ठेवणाऱ्यांना भाजपमध्ये न्याय : राम शिंदे

कुरकुंभ, ता. २५ : ‘‘भाजपमध्ये पक्षावर निष्ठा ठेवणाऱ्या व प्रामाणिकपणे काम करणाऱ्या कार्यकर्त्याला न्याय दिला जातो. त्यामुळे मला पक्षाच्या वरिष्ठ नेत्यांनी विधान परिषदेत काम करण्याची संधी दिली,’’ अशी माहिती नवनिर्वाचित विधान परिषद सदस्य व भाजपचे प्रदेश उपाध्यक्ष प्रा. राम शिंदे यांनी व्यक्त केले.
विधान परिषदेच्या नुकत्याच झालेल्या निवडणुकीत विजयी झालेले प्रा. राम शिंदे यांचा कुरकुंभ (ता. दौंड) येथे भाजप किसान मोर्चा व कुरकुंभ ग्रामस्थांच्यावतीने सत्कार करण्यात आला. त्याप्रसंगी ते बोलत होते. भाजप किसान मोर्चाचे प्रदेशाध्यक्ष वासुदेव काळे, पुणे कृषी उत्पन्न बाजार समितीचे माजी सभापती दिलीप खैरे, मोर्चाचे जिल्हा उपाध्यक्ष गणेश जगताप, वैभव आटोळे, कुरकुंभचे सरपंच आयुब शेख, सनी सोनार, सुनील पवार आदी उपस्थित होते. याप्रसंगी कुरकुंभ ग्रामपंचायत सदस्य सूर्यकांत भागवत व बापूराव झगडे, राहुल शितोळे, विकास काळे, नानासाहेब झगडे, चंद्रकांत जाधव आदी उपस्थित होते.
PNE22S73587