परप्रांतीय तरुणाकडून मुलीचा विनयभंग

लोणी काळभोर, ता. ६ : मॉर्निंग वॉकसाठी गेलेल्या आई व तिच्या १३ वर्षांच्या मुलीला पाहून तिचा विनयभंग व पाठलाग केल्याचा प्रकार शुक्रवारी (ता. ६) सकाळी लोणी काळभोर ग्रामपंचायत हद्दीतील कोळपे वस्ती येथील रेल्वे ब्रिजवर घडला.

दिलीप राजू थापा (वय २६, रा. रामदरा रोड, अंबरनाथ मंदिराजवळ, ता. हवेली, मूळ रा. घाटगाव- नेपाळ) असे त्या व्यक्तीचे नाव आहे. याप्रकरणी मनीषा प्रवीण जाधव (वय ३६, रा. साईराज पार्क, लोणी काळभोर) यांनी फिर्याद दिली आहे. वरिष्ठ पोलिस निरीक्षक राजेंद्र मोकाशी यांनी दिलेल्या माहितीनुसार, शुक्रवारी सकाळी पाऊणे सहा वाजण्याच्या सुमारास मनीषा जाधव व त्यांची मुलगी मॉर्निंग वॉकसाठी रामदरा रोडकडे घरातून गेल्या होत्या. घरी परत येताना कोळपेवस्तीवरील रेल्वे ब्रिजवर २२ ते २३ वर्ष वयोगटातील एक तरुण येताना दिसला. त्याने हिंदी भाषेत मुलीला उद्देशून विनयभंग केला. त्यानंतर कोयता घेऊन दोघींचा पाठलाग गेला. दरम्यान, सदर व्यक्तीस कोयत्यासह ताब्यात घेतले आहे.