डॉ. नितीन वाघमारे यांना पी. एचडी प्रदान

लोणी काळभोर, ता. १३ : कदमवाकवस्ती (ता. हवेली) ग्रामपंचायत हद्दीतील (लोणी स्टेशन) येथील अंकुर बालरुग्णालयाचे संचालक डॉ. नितीन रामचंद्र वाघमारे यांना नाशिक येथील महाराष्ट्र आरोग्य विज्ञान विद्यापीठातील आयुर्वेदामधील पी. एचडी पदवी प्रदान करण्यात आली.
डॉ. वाघमारे यांनी आरोग्य विज्ञान विद्यापीठात आयुर्वेदामधून ‘कौमारभृत्य- बालरोग’ हा विषय निवडला होता. या विषयातून ‘नवजातशिशू कामलेच्या व्यवस्थापनात दार्वी स्वरसाचा क्लिनिकल अभ्यास’ हा शोधप्रबंध सादर केला होता. या शोधप्रबंधासाठी वाघमारे यांना पुण्यातील अष्टांग आयुर्वेद महाविद्यालयाच्या डॉ. प्रा. मीरा एम. परांजपे यांचे मार्गदर्शन लाभले.
दरम्यान, पुणे महापालिकेच्या वतीने वैद्यकीय व सामाजिक क्षेत्रात कामगिरी केल्याबद्दल डॉ. नितीन वाघमारे यांचा सन्मान करण्यात आला.
२६५४