कारेगाव येथे खिशेकासून अटक

मंचर, ता.१२ : कारेगाव (ता.आंबेगाव) येथील बैलगाडा शर्यती पाहण्यासाठी आलेले तुकाराम जयराम कराळे (वय ६० रा.कारेगाव) यांच्या खिशातील तीस हजार रुपये चोरल्याप्रकरणी किसन अण्णा गायकवाड वय ५० रा.देहूफाटा झोपडपट्टी ता.हवेली) याला रंगेहात पकडण्यात आले. यामुळे मंचर पोलिसांनी आरोपीस अटक केली आहे.
तुकाराम कराळे कारेगाव येथे बैलगाडा शर्यती पाहण्यासाठी घाटात आले होते. त्यांच्या खिशात विविध कार्यकारी सोसायटी कारेगाव येथे भरण्यासाठी ठेवलेली तीस हजार रुपये रक्कम होती. ती रक्कम किसन गायकवाड हा चोरत असताना त्याला पकडले. याबाबतची फिर्याद कराळे यांनी मंचर पोलिस ठाण्यात दिली होती.