अल्पवयीन २ मुलींना बारामतीतून पळविले

माळेगाव, ता. १० : बारामती तालुक्यातील काटेवाडी आणि तांदूळवाडी येथील दोन अल्पवयीन मुलींना कशाचे तरी आमिष दाखवून दोन युवकांनी पळवून नेले. याबाबत काटेवाडी येथील पीडित मुलीच्या आईने दिलेल्या फिर्यादीवरून तालुका पोलिसांनी नितीन गोळीक (रा. फडतरी, ता. माळशिरस जि. सोलापूर) याच्याविरुद्ध बाल लैंगिक अत्याचार कायद्यासह विनयभंग करणे आदी कलमान्वये गुन्हा दाखल केला. तसेच, तांदूळवाडी येथील प्रकरणात अल्पवयीन मुलीच्या आईच्या फिर्यादीवरून पोलिसांनी अज्ञात युवकाविरुद्ध विनयभंगासह बालकांच्या लैंगिक अत्याचार कायद्यानुसार गुन्हा दाखल केला.