माळेगावात उद्या मृत्युंजय यज्ञदिन सोहळा

माळेगाव, ता. ३० : माळेगाव बुद्रूक (ता.बारामती) येथील राष्ट्रवादीचे कार्यकर्ते रविराज तावरे यांच्यावर झालेल्या गोळीबार घटनेला ३१ मे रोजी एकवर्षांचा कालावधी पूर्ण होत आहे.
यानिमित्त बुधवारी (ता.१ जून) काशीविश्वेश्वर मंदिरात मृत्युंजय यज्ञदिन सोहळ्याचे आयोजन केले आहे. यावेळी सकाळी महाअभिषेक घातला जाणार आहे.
सोहळ्यानिमित्त योग व प्रमाणायाम शिबिर, वृक्षारोपण, स्वच्छता कर्मचाऱ्यांना किराणा किटचे मोफत वाटप, देशभक्तिपर गीतांचे सादरीकरण आदी सामाजिक उपक्रम राबविण्यात येणार आहेत. तावरे यांच्या समर्थकांनी हा दिवस मृत्युंजय (मृत्युवर विजय मिळलेला दिवस) दिन म्हणून साजरा करण्याचे ठरविले आहे. या दिनाचे औचित्य साधत विविध सामाजिक उपक्रम राबविण्यात आले. सकाळी गावातील अमरसिंह कॉलनी उद्यानात योग व प्राणायम शिबिर घेण्यात आले. नीलेश महाजन, उज्ज्वला शिंदे यांच्या मार्गदर्शनाखाली योगासन, रोगमुक्त जीवनाची गुरुकिल्ली, पोषक आहार विषयी कार्यक्रमाचे आयोजन केले आहे.