तरडोलीत सोसायटीच्या अध्यक्षपदी भापकर

मोरगाव, ता. ३ : तरडोली (ता. बारामती) येथील श्री भैरवनाथ विविध कार्यकारी विकास सोसायटीच्या अध्यक्षपदी शारदा बाळकृष्ण भापकर तर उपाध्यक्षपदी अशोक निवृत्ती पवार यांची बिनविरोध निवड झाली. निवडणूक निर्णय अधिकारी म्हणून एस. एम. बोबडे यांनी काम पाहिले. निवडणुकीनंतर अंतर्गत कमिटीत ठरल्याप्रमाणे अध्यक्ष व उपाध्यक्षपदासाठी फक्त अनुक्रमे भापकर आणि पवार यांचे अर्ज आल्यामुळे ही निवड बिनविरोध झाली. या वेळी संचालक विनायक गाडे, रमेश गाडे, वसंत भापकर, यशवंत भापकर, फुलचंद पवार, गौरी भोसले, प्रियांका भापकर, बेबी तांबोळी, किसन धायगुडे, रवींद्र साळवे, नवनाथ जाधव उपस्थित होते. निवडणूक बिनविरोध करण्यासाठी पॅनेलप्रमुख संजय भापकर, बाळकृष्ण भापकर यांनी विशेष प्रयत्न केले.