हरिश्चंद्री फाट्यावर पादचारी गंभीर जखमी

नसरापूर, ता. ७ ःपुणे- सातारा महामार्गावर हरिश्चंद्री गावच्या हद्दीत रस्ता पार करणाऱ्या पादचाऱ्यास भरधाव कारने ठोकरल्याने झालेल्या अपघातात पादचारी गंभीर जखमी झाला. त्याच्यावर खाजगी रुग्णालयात उपचार करण्यात येत आहेत.
विजय अशोक काळे (वय २८, रा. कासुर्डी, ता. भोर) हे या अपघातात गंभीर जखमी झाले आहेत. रात्री सव्वानऊ वाजण्याच्या सुमारास विजय काळे हे पायी महामार्ग ओलांडत असताना पुणे बाजुकडून सातारा बाजूकडे जाणाऱ्या कारने त्यांना ठोकर मारली. या बाबत जखमीचे भाऊ संजय काळे यांनी राजगड पोलिस ठाण्यात फिर्याद दिली असून पुढील तपास पोलिस नाईक नाना मदने करत आहेत.