सारोळ्यातून दोन विवाहिता बेपत्ता

नसरापूर, ता. ३० ः सोरोळा (ता. भोर) येथून दोन विवाहित महिला एकाच दिवशी बेपत्ता झाल्या आहेत. दोन्हीही महिलांची एकमेकींशी मैत्री होती. या प्रकरणी राजगड पोलिस ठाण्यात दोघींच्या पतीने स्वतंत्ररीत्या फिर्याद दाखल केली आहे.
रूपाली संजय महांगरे (वय ४०) व मनोरमा रत्नदीप पवार (वय ३२ दोघीही रा. सारोळा ता. भोर) असे बेपत्ता झालेल्या विवाहित महिलांची नावे असून बुधवारपासून (ता. २७) बेपत्ता आहेत. रूपाली महांगरे व मनोरमा पवार या दोघी जवळच्या मैत्रिणी असून रूपाली या सारोळा येथील देसाई फूड्स कंपनीत कामाला आहेत तर मनोरमा या घरीच होत्या. दोघी बेपत्ता झाल्याने दोन्ही कुटुंब चिंताग्रस्त झाले आहेत
रूपाली महांगरे या रंगाने गोऱ्या, उंची ५ फूट, केस काळे, मध्यम, अंगात नेसणीस सलवार कुर्ता, गळ्यात मंगळसूत्र, उजव्या पायात काळा धागा, हातात घड्याळ आहे. तसेच मनोरमा पवार या रंगाने गोऱ्या, चेहरा गोल, नाक सरळ, केस काळे, गळ्यात साधी चेन, निळ्या रंगाचा टॉप, पांढऱ्या रंगाची लेगिन्स आहे. दोघींनाही हिंदी मराठी भाषा बोलता येते.
वरील वर्णनाच्या महिला कोणास आढळल्यास राजगड पोलिस ठाणे क्र. ०२११३-२७२२३३ या क्रमांकावर संपर्क साधण्याचे आवाहन करण्यात आले आहे.