हर्षवर्धन पाटील यांनी घेतले लक्ष्मी-नृसिंहाचे दर्शन

नीरा नरसिंहपूर, ता. १७ ः नीरा नरसिंहपूर (ता. इंदापूर) येथील श्री लक्ष्मी-नृसिंह मंदिरामध्ये सध्या सुरू असलेल्या नवरात्रोत्सवानिमित्त भाजप नेते हर्षवर्धन पाटील यांनी श्री नृसिंहाची पूजा केली व दर्शन घेतले. यावेळी हर्षवर्धन पाटील यांनी मंदिर परिसरातील चालू असलेले विकास कामांची पाहणी केली.
यावेळी श्री लक्ष्मी नृसिंह देवस्थान ट्रस्टच्या वतीने विश्वस्त व पोलिस पाटील अभय वांकर यांनी हर्षवर्धन पाटील यांचा सत्कार केला. चालू वर्षी चांगला पाऊस होऊ दे, असे साकडे लक्ष्मी-नृसिंह चरणी घातल्याचे त्यांनी सांगितले. नीरा नरसिंहपूर ग्रामपंचायत कार्यालयात विजय सरवदे यांनी हर्षवर्धन पाटील यांचा सत्कार केला.