चऱ्होली सोसायटीतर्फे पीक कर्जाचे वाटप

पाईट, ता. ३० : चऱ्होली खुर्द सोसायटीतर्फे टोमॅटो पिकासाठी सुमारे ९२ लाख ०८ हजार ००० रुपयांचे पीक कर्ज वाटप केल्याची माहिती सोसायटीचे अध्यक्ष पांडुरंग ज्ञानेश्वर पगडे व सचिव सुभाष जाधव यांनी सकाळशी बोलताना दिली.
कर्जवाटप हे ज्या कर्जदारांनी ३१ मार्च २०२२ पर्यंत मागील कर्ज नियमित व व्यवस्थितपणे भरलेले आहे. अशा १९२ सभासदांना एकूण ११५.१० हेक्टर क्षेत्रासाठी हे कर्ज वितरीत केल्याची माहिती बँकेचे विकास अधिकारी राजेंद्र सरडे यांनी दिली. कर्ज वाटपावेळी बँकेचे विकास अधिकारी राजेंद्र सरडे, व्यवस्थापक सीमा दहीवळ, अध्यक्ष पांडुरंग ज्ञानेश्वर पगडे, उपाध्यक्ष ज्योती थोरवे, संचालक अनिकेत कुऱ्हाडे, योगेश थोरवे, बाळासाहेब थोरवे, प्रकाश थोरवे, राहुल थोरवे व इतर संचालक तसेच सोसायटी सचिव सुभाष जाधव व इतर सभासद उपस्थित होते.

01250