अल्पवयीन मुलीस पळवून नेल्याची तक्रार

जुन्नर, ता. ३० : शेतकरी कुटुंबातील अल्पवयीन मुलगी गुरुवारी (ता.२८) घरातून निघून गेल्याची तक्रार मुलीच्या वडिलांनी दिल्याची माहिती प्रभारी अधिकारी पोलीस निरीक्षक विकास जाधव यांनी दिली.
संबंधित मुलीचे आई, वडील व भाऊ यात्रेसाठी परगावी गेले असता ही घटना घडली. तिचा शोध घेत असताना वडिलांना ती एका मुलाबरोबर दुचाकीवर बसून गेल्याचे समजल्याने त्या मुलाविरुद्ध गुन्हा दाखल केल्याचे जाधव यांनी सांगितले.
पंधरा दिवसांपूर्वी देखील आदिवासी भागातील एका गावातून रात्रीच्या वेळी अल्पवयीन मुलीस फूस लावून पळवून नेल्याची तक्रार एका मुलाचे विरोधात दाखल करण्यात आली आहे.