''भोर एज्युकेशन''ची कार्यकारणी बिनविरोध

भोर, ता. १० : येथील सर्वात जुन्या समजल्या जाणाऱ्या भोर एज्युकेशन सोसायटीच्या नवीन कार्यकारणीच्या सदस्यांची निवड बिनविरोध झाली आहे, अशी माहिती संस्थेचे अध्यक्ष प्रमोद गुजर यांनी दिली. संस्थेच्या राजा रघुनाथराव विद्यालयाच्या सभागृहात रविवारी (ता.८) दुपारी निवडणूक प्रक्रीया पार पडली.
तीन वर्षांच्या कालावधीसाठी होणाऱ्या या निवडणुकीसाठी निवडणूक निर्णय अधिकारी म्हणून संस्थेचे अध्यक्ष राजेशराजे पंतसचिव यांनी काम पाहिले. नवीन कार्यकारणीत ६ उपाध्यक्ष आणि १३ संचालक आहेत. निवडणूकीसाठी जेवढ्या जागा तेवढेच अर्ज आल्याने निवडणूक बिनविरोध झाल्याचे निवडणूक निर्णय अधिकारी राजेशराजे पंतसचिव यांनी जाहीर केले.
भोर एज्युकेशन सोसायटीच्या काही माजी सदस्यांनी ही निवडणूक बेकायदेशीर असल्याबाबतचे अपील उच्च न्यायालयात केले होते. मात्र, न्यायालयाने ते फेटाळले आणि संस्थेच्या कार्यकारणीचा चेंज रिपोर्ट १६ आठवड्यात सादर करण्याचे आदेश धर्मादाय आयुक्तांना दिले.
दरम्यान, संस्थेच्या आजपर्यंतच्या कालावधीत प्रकाश ओर आणि शशिकांत कंक यांची प्रथमच संचालक म्हणून निवड झाली आहे. संस्थेचे अध्यक्ष राजेशराजे पंतसचिव यांनी सर्व नवनिर्वाचित सदस्यांचा सत्कार केला.
भोर एज्युकेशन सोसायटीच्या नवीन कार्यकरणीतील उपाध्यक्ष पुढीलप्रमाणे : विलासराव कृष्णराव बांदल, मिलिंद रसिकलाल शहा, अरविंद महादेव गुजर, अशोक काळे, मधूकर पैठणकर व विजय मांढरे.
नवीन कार्यकारणीतील सदस्य पुढीप्रमाणे : सुरेश नटवरलात शहा, सुरेश विष्णूदास देवी, डॉ. अण्णासाहेब चंगळआप्पा विराजदार, सुरेश रामचंद्र गोरेगांवकर, डॉ. प्रदीप रामचंद्र पाटील, डॉ. उदय गोवर्धन शेठ, नितीन नटवरलाल शहा, प्रमोद गजानन गुजर, विकास बबनराव मांढरे, गजानन बाबूराव झगडे, अॅड. मुकुंद पोडोपंत तांबेकर, प्रकाश पोपटलाल ओर आणि शशिकांत रामभाऊ कंक.