मुलीवर अत्याचार केल्याने नांदघूरच्या तरुणास अटक मुलीवर अत्याचार केल्याने नांदघूरच्या तरुणास अटक

भोर, ता. १२ : अल्पवयीन मुलीवर अत्याचार केल्याप्रकरणी नांदघूर (ता.भोर) येथील तरुणास भोर पोलिसांनी अटक केली. प्रकाश भगवान मांढरे (वय. २२) असे अटक केलेल्या तरुणाचे नाव असून ही घटना फेब्रुवारी व एप्रिल महिन्यात घडली. आरोपी प्रकाश याने शेजारच्या १६ वर्षीय मुलीस अत्याचार केला. आरोपी व संबंधित मुलगी गप्पागोष्टी करीत आढळल्यामुळे मुलीच्या आई-वडिलांनी मागील आठवड्यात बुधवारी (ता.४) भोर पोलिस ठाण्यात फिर्याद दिली. मात्र मुलीने आई-वडील मारहाण करीत असल्याचे सांगत त्यांच्याकडे राहण्यास नकार दिला. पोलिसांनी बालकल्याण समितीच्या निर्णयानुसार तिला सुधारगृहात ठेवली. त्यानंतर पोलिसांनी पुढाकार घेऊन तिची मेडिकल तपासणी केली असता तिच्यावर अत्याचार झाल्याचे लक्षात आले. परिस्थितीचे गांभीर्य लक्षात घेऊन भोर पोलिसांनी तब्बल आठ दिवसानंतर बुधवारी (ता.११) रात्री प्रकाश मांढरे याच्यावर बाललैंगिक अत्याचार कायद्यानुसार गुन्हा दाखल केला. पोलिस निरीक्षक विठ्ठल दबडे पुढील तपास करीत आहेत.