इंदापुरातील शिवसेनेचे ठाकरेंना समर्थन

इंदापूर, ता. २६ : शिवसेनेचे बंडखोर मंत्री एकनाथ शिंदे आणि आमदारांच्या विरोधात इंदापुरातील शिवसैनिकांनी रस्त्यावर उतरून त्यांचा जाहीर निषेध केला. या वेळी शिवसेना पक्षप्रमुख उद्धव ठाकरे यांच्याबरोबर इंदापूर येथील शिवसेना ठाम असल्याचा निर्वाळा देण्यात आला. या वेळी जोरदार घोषणाबाजी करण्यात आली.

या वेळी शिवसेनेचे जिल्हा समन्वयक भीमराव भोसले, उपजिल्हाप्रमुख संजय काळे, तालुकाप्रमुख नितीन शिंदे, शहरप्रमुख महादेव सोमवंशी, तालुका संघटक सुदर्शन रणवरे, तालुका समन्वयक अरुण पवार, उपजिल्हा संघटिका पुष्पा घोरपडे, तालुका संघटिका सुरेखा लोहार यांची भाषणे झाली. या वेळी सचिन इंगळे, अविनाश खंडाळे, अप्पा डोंगरे, मंदार डोंबाळे, धोंडिराम सोनटक्के, रामचंद्र पाचंगणे, अशोक देवकर, योगेश वाघमोडे आदी उपस्थित होते.

इंदापूर : नगर परिषदेच्या प्रांगणात निषेध करताना इंदापूर शिवसेनेचे पदाधिकारी.