टिळेकरवाडी येथे शेतकऱ्यांना मार्गदर्शन

उरुळी कांचन, ता. २५ : टिळेकरवाडी (ता. हवेली) येथे महाराष्ट्र शासन कृषी विभागाच्या वतीने नुकतेच खरीप हंगाम पूर्व शेतकरी चर्चासत्र संपन्न झाले. जिल्हा अधिक्षक कृषी अधिकारी ज्ञानेश्वर बोटे, उपविभागीय कृषी अधिकारी सुनील खैरनार व आत्मा पुणे यांच्या मार्गदर्शनाखाली खरीप हंगाम पूर्व शेतकरी चर्चासत्राचे आयोजन करण्यात आले होते.
हवेली तालुका कृषी अधिकारी मारुती साळे यांनी महाराष्ट्र शासन कृषी विभागाच्या विविध योजनांची माहिती देताना महाडीबीटी पोर्टलवरील सर्व योजनांची लॉटरी पद्धतीने निवड, कागदपत्रांची तपासणी, पूर्व संमती, मोका तपासणी व अनुदान वाटप पद्धत, कृषी यांत्रिकीकरण योजना अंतर्गत विविध कृषी अवजारे, प्रधान मंत्री सुक्ष्म सिंचन योजना, प्रधानमंत्री सुक्ष्म अन्न प्रक्रिया उद्योग योजना, केंद्र पुरस्कृत पॉली हाउस, शेडनेट, मल्चिंग, कांदा चाळ, विहीर पुनर्भरण लाभार्थी निवड, निकष व अनुदानाबाबत मार्गदर्शन केले.
या प्रसंगी यशवंत कारखान्याचे माजी उपाध्यक्ष राजेंद्र टिळेकर, पोलिस पाटील विजय टिळेकर, माजी सरपंच संतोष बापू टिळेकर, बाळासाहेब चौरे, गणेश टिळेकर, रामचंद्र टिळेकर, किसन टिळेकर, संतोष राऊत, सुनील जोगदंड, मंडळ कृषी अधिकारी हडपसर जी. के. कडलग, कृषी पर्यवेक्षक रामदास डावखर, कृषी सहाय्यक अमित साळुंखे, राजेंद्र भोसेकर, महेश महाडीक, रेश्मा शिंदे व शेतकरी मोठ्या संख्येने उपस्थित होते.