ईदनिमित्त मुस्लीम बांधवांकडून दानधर्म

पिरंगुट, ता. ५ : पिरंगुट (ता. मुळशी) परिसरात विविध ठिकाणी रमजान ईद उत्साहात व आनंदी वातावरणात झाली. घोटावडे, उरवडे, लवळे, म्हाळुंगे आदी गावातील मुस्लिम बांधवांनी नातेवाईक, मित्रमंडळींना आपल्या घरी शिरखुर्मासाठी आमंत्रित केले होते. अनेक कुटुंबांनी गरिबांना दानधर्म केला. उरवडे येथील इस्माईल मुलाणी व बालाभाई मुलाणी यांच्या घरी जिल्हा परिषदेचे माजी सदस्य शंकर मांडेकर, तालुका काँग्रेस कमिटीचे अध्यक्ष गंगाराम मातेरे, कृषी उत्पन्न बाजार समितीचे संचालक राम गायकवाड, कालिदास मारणे, सुनील बलकवडे, लहू बलकवडे आदींनी भेट देऊन शुभेच्छा दिल्या.