भूगाव येथील तरुणाचा जमिनीच्या वादातून खून

पिरंगुट, ता. ६ : भूगाव (ता. मुळशी) येथील जमिनीच्या वादातून व रोजच्या भांडणातून तरुणाचा खून करण्यात आला. प्रीतम राजेंद्र फाळके (वय २५, रा. सॉंगबर्ड सोसायटी, भूगाव), असे खून झालेल्या तरुणाचे नाव आहे. गुरुवारी (ता. ५) रात्री सव्वाआठ वाजण्याच्या सुमारास हा खून झाला असून, तीन आरोपींवर पौड पोलिस ठाण्यात गुन्हा दाखल केला आहे.
याबाबत पौड पोलिसांनी दिलेल्या माहितीनुसार,चेतन ऊर्फ पांड्या रोहिदास फाळके, अमित ऊर्फ गुंड्या चंद्रकांत फाळके (दोघेही रा. सॉंगबर्ड सोसायटी, भूगाव) व त्यांचा मित्र शंकर (पूर्ण नाव व पत्ता माहीत नाही.) यांच्यावर गुन्हा दाखल केला आहे. आरोपी व प्रीतम फाळके यांच्यात जमिनीचा वाद होता. त्यामुळे रोजच्याच होणाऱ्या या भांडणातून या तिन्ही आरोपींनी संगनमत करून गुरुवारी रात्री सव्वाआठ वाजण्यापूर्वी भूगाव येथील सॉंगबर्ड सोसायटीच्या वरील बाजूस असलेल्या फोर सीझन सोसायटीपासून पुढे जाणाऱ्या रस्त्यावर प्रीतम याच्या डोक्यात दगडाने मारहाण व कोयत्याने गंभीर वार करून त्याचा खून केला आहे. याबाबत ऋतुराज ह्रदयनाथ जाधव (वय ३४) यांनी फिर्याद दाखल केली आहे.