मुळशीत अन्नधान्याच्या किटचे वाटप

पिरंगुट, ता. २४ : मुळशी तालुका भारतीय जनता पक्ष युवा मोर्चाच्या वतीने तालुक्यातील गरजूंना अन्नधान्य आणि भाजीपाला वाटप करण्यात आला. उपमुख्यमंत्री देवेंद्र फडणवीस यांच्या वाढदिवसानिमित्त तालुक्यातील विविध संस्था व गरजूंना सुमारे अडीच हजार किलो अन्नधान्याची किट वाटण्यात आली.

भुकूम येथील संजीवनी वृद्धाश्रम, सुतारवाडी येथील संस्कृती प्रतिष्ठानचे आदित्य प्रांगण विशेष मुलांची शाळा, पिरंगुट, कासार आंबोली व उरवडे परिसरातील विविध गृहनिर्माण संस्थांतील महिला सफाई कर्मचारी, आदिवासी वस्तीवरील बांधवांना, विविध कंपन्यांतील कामगार, पदपथावरील छोटे व्यावसायिक, जामगाव येथील कामगार वसाहतीतील कामगार, बस स्थानकांवरील गोरगरीब व गरजू आदींना ही मदत देण्यात आली. घोटावडे फाटा येथील शिवशक्ती चौकातील मजूर अड्ड्यावरील महिला कामगारांना धान्यांचे कीट व भाजीपाला देण्यात आला.

कार्याध्यक्ष सागर सोपानराव मारणे यांच्या पुढाकाराने आयोजित केलेल्या या उपक्रमास वेद मारणे, नामदेव पडळकर, सुजित पाटोळे, सागर सोनवणे, कुंडलिक नामदेव पडळकर तसेच मोर्चाचे पदाधिकारी व कार्यकर्ते उपस्थित होते.

01035