सिध्देश्र्वर येथील वनोबा मंदिरात कलशारोहण

पिरंगुट, ता. ९ : सिद्धेश्वर (ता. मुळशी) येथील वनोबा भैरवनाथ मंदिरात गुरुवारी (ता. ११) मूर्ती प्राणप्रतिष्ठापना व कलशारोहणाचा कार्यक्रम आयोजित केला आहे.

शुक्रवारी (ता. १२) सकाळी ८ ते १० या वेळात ''श्री'' ची मिरवणूक, सकाळी १० नंतर ''श्रीं'' ची प्राणप्रतिस्थापना व कलशारोहणाचा सोहळा होईल.
त्यानंतर सायंकाळी ५ ते ७ हरिपाठ व नंतर रात्री ७ ते ९ शिवचरित्रकार धर्मराज महाराज हांडे यांचे कीर्तन झाले. शनिवार (ता. १३) पहाटे काकड आरती, सकाळी गाथा भजन व संध्याकाळी हरिपाठ झाल्यानंतर रात्री ७ ते ९ आसाराम महाराज बढे यांचे कीर्तन होईल. रविवार (ता. १४) सकाळी १० ते १२ या वेळात चंद्रकांत महाराज वांजळे यांचे काल्याचे कीर्तन होणार आहे.