
पाटेठाण येथे २७५ जणांचे रक्तदान
राहू, ता. ७ : पाटेठाण (ता. दौंड) येथील श्रीनाथ म्हस्कोबा साखर कारखान्याचे अध्यक्ष पांडुरंग राऊत यांच्या अमृत महोत्सवी वर्षानिमित्त ‘पांडुरंग राऊत अमृत महोत्सव समिती’ स्थापन करण्यात आली. यानिमित्ताने कारखाना कार्यक्षेत्रामध्ये विविध सामाजिक उपक्रमांचे आयोजन करण्यात आले आहे. महाराष्ट्रदिनी पाटेठाण येथे आयोजित रक्तदान शिबिराचे उद्घाटन पांडुरंग राऊत यांच्या हस्ते करण्यात आले. शिबिरात २७५ जणांनी रक्तदान केले. मोफत आरोग्य शिबिरात नेत्र तपासणी, रक्तातील साखर तपासणी, ब्लड प्रेशर व ईसीजी, स्त्रीरोग तपासणी करण्यात आली. या शिबिराचा लाभ १५७५ जणांनी घेतला. यावेळी कारखान्याचे संचालक महेश करपे, किसन शिंदे, पांडुरंग कदम, माधव राऊत, भगवान मेमाणे आदी उपस्थित होते. कारखाना कार्यक्षेत्रात २२ मे पर्यंत आरोग्य शिबिरे होणार आहेत. त्याचा लाभ घेण्याचे आवाहन कार्याध्यक्ष विकास रासकर, उपाध्यक्ष बबनराव गायकवाड, मुख्य कार्यकारी अधिकारी डी. एम. रासकर, अमृत महोत्सव कार्यक्रम समितीचे अध्यक्ष महेश करपे, प्रशासकीय अधिकारी एस.बी. टिळेकर यांनी केले.
Web Title: Todays Latest District Marathi News Rah22b00714 Txt Pd Today
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..