निरगुडेच्या सरपंचपदी गौरी सोनवणे बिनविरोध
शेटफळगढे, ता. १३ : निरगुडे (ता. इंदापूर) ग्रामपंचायतीच्या सरपंचपदी भारतीय जनता पक्षाच्या गौरी प्रदीप सोनवणे यांची बिनविरोध निवड झाी. यापूर्वीच्या सरपंच बायडाबाई खंडाळे यांनी पदाचा राजीनामा दिला. त्यानंतर नवीन सरपंच निवडीसाठी भिगवणचे मंडलाधिकारी डी. एस. कोकरे यांच्या अध्यक्षतेखाली सरपंच निवडीचा कार्यक्रम पार पडला. यावेळी अर्ज भरण्याच्या वेळेत केवळ गौरी सोनवणे यांचा एकमेव अर्ज आल्याने सोनवणे यांची सरपंचपदी बिनविरोध निवड झाल्याचे कोकरे यांनी जाहीर केले.
यावेळी उपसरपंच हनुमंत काजळे सदस्य देवेंद्र राऊत, सुषमा पवार, बायडाबाई खंडाळे, चतुराबाई लकडे, लताबाई रणधीर, माजी सरपंच ब्रह्मदेव केकान, यशवंत केकान, युवराज भोसले, विनायक रणधीर, राजेंद्र राऊत, महादेव सोनवणे, मारुती सोनवणे, राजेंद्र रसाळ, संतोष रणधीर, बापूराव सोनवणे, नागनाथ वाघमोडे, ग्रामसेवक गणेश जाधव, गाव कामगार तलाठी सतीश गायकवाड यांच्यासह ग्रामस्थ उपस्थित होते.
पुढील काळात माजी मंत्री हर्षवर्धन पाटील यांच्या मार्गदर्शनाखाली गावच्या विकासासाठी प्रयत्न करणार असल्याचे नवनिर्वाचित सरपंच सौ सोनवणे यांनी यावेळी बोलताना सांगितले.
----------------------
00791, 00795
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.