शेटफळगढे परिसरामध्ये मशागत पूर्व कामे सुरू

शेटफळगढे परिसरामध्ये मशागत पूर्व कामे सुरू

शेटफळगढे, ता. १० : आगामी खरीप हंगामाच्या पार्श्वभूमीवर शेटफळगढे परिसरातील शेतकऱ्यांनी मशागत पूर्व कामाला सुरुवात केली आहे. गतवर्षी चांगला पाऊस झाल्याने तसेच खडकवासला कालव्याला ही या दोन्ही हंगामात वेळेवर आवर्तने आल्याने शेतकऱ्यांचा खरीप व रब्बीचा हंगाम समाधानकारक झाला होता. तसेच यावर्षी हवामान खात्याने चांगला पाऊस होईल. असा अंदाज व्यक्त केल्याने शेतकऱ्यांमध्ये समाधानाचे वातावरण आहे. परंतु मागील दोन महिन्यात कधीही अवकाळी पाऊस पडत आहे. त्यामुळे उन्हाळ्यात पाऊस पडल्यावर पाऊस लांबतो की काय? अशी देखील भीती शेतकऱ्यांना आहे. परंतु तरीही हवामान खात्याच्या अंदाजाच्या आधारे आगामी खरीप हंगामाच्या पार्श्वभूमीवर शेतकऱ्यांनी शेतातील नांगरणी करणे, शेत जमिनींना शेणखत घालणे, खराब जमिनीत पिकाऊ माती भरणे यासारखी कामे करण्यात शेतकरी राजा सध्या मग्न आहे. येत्या २५ मे नंतर कधीही अवकाळी पावसाला सुरुवात होणार असल्याने ही कामे २५ मे पूर्वी पूर्ण करण्यात शेतकरी सध्या व्यस्त आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com