सुप्यात शिबीरात ५५ जणांचे रक्तदान

सुपे, ता. १३ : सुपे (ता. बारामती) येथे झालेल्या रक्तदान शिबीरात ५५ जणांनी रक्तदान केले. रक्तदात्यास पाच वर्षे कालावधीसाठी एक लाख रुपयांचा अपघाती विमा संरक्षण तसेच, संत तुकाराम गाथा भेट देण्यात आली. या वेळी आयोजित केलेल्या नेत्रतपासणी शिबिराला चांगला प्रतिसाद मिळाला. अल्प दरात चष्म्याचे वाटप करण्यात आले. धर्मवीर छत्रपती संभाजी महाराज जयंतीनिमित्त लीला-गुलाब रूग्णालयात हे शिबिर घेण्यात आले. लोणी काळभोर येथील तर्पण रक्तपेढीने रक्त संकलन केले. स्वराज्य संकल्पक श्री शहाजीराजे भोसले प्रतिष्ठान सुपे परगणा, विद्यानंद फाउंडेशन, नेहरू युवा केंद्र व स्पंदन संस्थेच्या संयुक्त विद्यमाने कार्यक्रमाचे आयोजन केले होते. याप्रसंगी छत्रपती उदयनराजे भोसले सुपे परगणा प्रमुख सुनील राजे भोसले, डॉ. श्रीप्रसाद वाबळे, संभाजी ब्रिगेडचे तालुका उपाध्यक्ष नीलेश पानसरे, अतुल ढम, गणेश खैरे, वैभव भापकर, संतोष काटे, सागर चांदगुडे, अमोल चांदगुडे, संतोष शिंदे उपस्थित होते.