सुपे इंग्लिश स्कूलमध्ये ‘विद्यारंग’ उत्साहात
सुपे, ता. ७ : विद्या प्रतिष्ठानच्या सुपे (ता.बारामती) येथील सुपे इंग्लिश मीडियम स्कूलमध्ये नुकताच विद्यारंग हा सांस्कृतिक कार्यक्रम पार पडला. या कार्यक्रमाला विद्यार्थ्यांसह पालक व ग्रामस्थांचा उत्स्फूर्त प्रतिसाद मिळाला.
याप्रसंगी संस्थेचे उपाध्यक्ष ॲड. अशोक प्रभुणे, सदस्य डॉ. राजीव शाह, वैशाली बच्छाव, उद्योजक शरद तांदळे, उद्योजक शंकरराव चांदगुडे, सुपे महाविद्यालयाचे प्राचार्य एस.एन.काळे, प्राचार्य डॉ.योगेश पाटील आदी उपस्थित होते. दरम्यान, दहावीच्या प्रथम श्रेणीतील विद्यार्थ्यांचा तसेच, गुणवंत विद्यार्थी व उत्कृष्ट काम करणाऱ्या शिक्षकांचा उपस्थित मान्यवरांच्या हस्ते सत्कार करण्यात आला. विद्यारंग कार्यक्रमात विद्यार्थ्यांनी मल्हारी मार्तंड विवाह सोहळा, शंभु वंदना, लोप पावत चाललेल्या लोककलेचे फोक आख्यान, साउथ इंडियन नृत्य, देशभक्तिपर गीते, कीर्तन, इंग्लिश गीत, देवीचा गोंधळ, अन्य राज्यातील पारंपरिक लोकनृत्य, कार्टून गीत, सुंदरा सुंदरा, पिचली माझी बांगडी, लावणी अशी विविध गाणी, नृत्य सादर करून उपस्थितांची दाद मिळवली. कार्यक्रमाचे सूत्रसंचालन प्रज्ञारूची कांबळे, विद्या घोडके यांनी केले तर दादा राऊत यांनी आभार मानले.
2277
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.