शिरूरमध्ये जैन बांधवांची दुचाकी रॅली
शिरूर, ता. २७ : पुण्यातील मॉडेल कॉलनीतील जैन बोर्डिंगच्या तीन एकर जागेच्या विक्रीप्रकरणी सखोल चौकशी करावी व ही जागा बेकायदा विकणारे आणि विकत घेणारे यांच्याविरूद्ध कायदेशीर कारवाई करावी, या मागणीसाठी शहर व परिसरातील जैन बांधवांनी सोमवारी (ता.२७) तहसीलदार कार्यालय व पोलिस ठाण्यावर दुचाकी मोर्चा काढला. जैन समाजाच्या जागेत गैरव्यवहार करणारांचा आणि जागेची गैरविक्री करणारांचा धिक्कार असो, अशा घोषणा तहसील कार्यालयासमोर देण्यात आल्या.
आंदोलकांनी सर्व गैरव्यवहाराची चौकशी करावी, अशा मागणीचे निवेदन देण्यासाठी शहर व परिसरातील जैन बांधवांनी शहरातून दुचाकी रॅली काढली. तहसीलदार बाळासाहेब म्हस्के व पोलिस निरीक्षक संदेश केंजळे यांना निवेदन देण्यात आले.
जैन श्रावक संघाचे संघपती भरतभाऊ चोरडिया यांच्या नेतृत्वाखालील या रॅलीत कपिल बोरा, विनोद धाडिवाल, सुनील बोरा, प्रशांत संचेती, अनिल बोरा, प्रीतेश कोठारी, लौकिक बोरा, अमित कोठारी, कुणाल बोरा, नीलेश धाडिवाल, आदेश धाडिवाल ॲड. राहुल बोरा, आदेश धाडिवाल, योगेश चंडालिया, अमित लोढा आदींसह तरुण मोठ्या संख्येने सहभागी झाले होते.
05792
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.