पुरंदर तालुक्यात नागरिकांची धांदल

सासवड, ता. ९ : येथे वीज वाऱ्यासह पावसाने दुपारी दीड तास हजेरी लावली. गुरुवारी सायंकाळी ३.४० वा. भर उन्हात विजांच्या गडगडाटात व वादळी वाऱ्यासह अचानक आलेल्या पावसाने सासवड येथील व्यापारी, शेतकरी, नागरिक यांची धांदल उडाली. सासवड, हिवरे, चांबळी, बोपगाव, भिवरी, दिवे, वनपुरी आदी भागात चांगला पाऊस बरसला. सासवडसह परिसरात ३४.६ मि.मी पावसाची नोंद आचार्य अत्रे वेध शाळेत झाली. या पावसाने शेताची मशागतीची रखडलेली कामे सुरू होतील. तर, काही ठिकाणी नुकसानकारकही होणार आहे. वादळी वाऱ्यामुळे सीताफळ, पेरू, अंजीर या फळ बांगामध्ये फुलगळती काही प्रमाणात होणार आहे. तसेच, आंब्याच्या झाडांच्या फळांचे नुकसान होणार आहे.