सासवड येथे पाळणा गायन

सासवड येथे पाळणा गायन

सासवड, ता. ६ : सासवड येथील दक्षिणमुखी मारुती मंदिरात चैत्र शुद्ध पौर्णिमेला (ता. ७) हनुमान जयंती सोहळा उत्साहात साजरा करण्यात आला. हनुमान प्रासादिक भजनी मंडळाचे भजन, जयश्री गिरमे, सुशीला चौखंडे, शैला शेवते या महिला भगिनींचे पाळणा गायन, घंटा व शंख निनादात महा आरती, सुंठवडा वाटप अशा स्वरूपात झालेल्या या जयंती सोहळ्यास सासवड मधील भाविकांनी मोठ्या प्रमाणावर हजेरी लावली.
   मंदिरातील हनुमान मूर्तीची फुले व द्राक्षांनी सजावट केली होती. पुजारी मोहन भैरवकर यांच्या पौरोहित्याखाली सर्व धार्मिक विधी व महापूजा करण्यात आली. बाजीराव जगताप (पाटील) यांना आरतीचा मान देण्यात आला. ॲड भगवान होले, महेश जगताप, राजेंद्र भैरवकर, विरेश दहीवले, राजू शिंदे, सुधाभाऊ गिरमे, पांडुरंग जगताप, विठ्ठल जगताप, संजय चव्हाण, मोहन चव्हाण, संजय काटकर, गिरी गोसावी महाराज आदींसह अनेक भाविक या वेळी उपस्थित होते. सूर्य उगवतीच्या वेळी
फुलांची उधळण करत बजरंग बली की जयच्या जय घोषात हा सोहळा पार पडला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com