खंडाळे ग्रामपंचायतीचे दोन सदस्य अपात्र

तळेगाव ढमढेरे, ता. १७ : खंडाळे (ता. शिरूर) येथील ग्रामपंचायतीचे सदस्य ज्योती मारुती नरवडे आणि अमोल रामचंद्र नरवडे यांनी "सरकारी जागेवर अतिक्रमण" केल्याने त्यांना महाराष्ट्र ग्रामपंचायत अधिनियम १९५९ चे कलम १४ (१), (ज-३) अन्वये जिल्हाधिकारी पुणे यांनी दोन्ही सदस्यांना अपात्र ठरविण्यात आल्याचे पत्राद्वारे कळविले आहे.
याबाबत तेजस संपत नरवडे यांनी जिल्हाधिकाऱ्यांकडे तक्रार केली होती. जिल्हाधिकाऱ्यांनी तक्रारदाराचा अर्ज मान्य केला असून, ज्योती नरवडे व अमोल नरवडे या दोन्ही ग्रामपंचायत सदस्यांना अपात्र ठरविले आहे. दरम्यान, यापैकी ज्योती नरवडे या ग्रामपंचायतीच्या विद्यमान सरपंच असून, अमोल नरवडे हे उपसरपंच आहेत.