तळेगाव येथे तीन हजार बकऱ्यांची खरेदी विक्री

तळेगाव ढमढेरे, ता. २५ : येथील (ता. शिरूर) शिरूर कृषी उत्पन्न बाजार समितीच्या महात्मा फुले उपबाजारात आज (ता. २५) झालेल्या शेळी- मेंढी बाजारात तीन हजार बकऱ्यांची खरेदी- विक्री झाली.
बाजारात एका शेळीला ७ ते ११ हजार रुपयांपर्यंत बाजारभाव मिळाला तर एका मेंढीला ४ ते ८ हजार रुपयांपर्यंत भाव मिळाला. आजच्या बाजारात शेळी -मेंढी बरोबरच कोंबड्यांची मोठ्या प्रमाणात खरेदी- विक्री झाल्याचे सभापती वसंतराव कोरेकर, उपसभापती प्रा. सतीश कोळपे, सचिव अनिल ढोकले व सहायक सचिव अनिल ढमढेरे यांनी सांगितले.

दरम्यान, येथील महात्मा फुले उपबाजारात पुणे, नगर, दौंड, मावळ, पुरंदर आदी ठिकाणचे व्यापारी आले होते. आषाढ महिन्यातील शेवटचा शेळी -मेंढींचा बाजार असल्याने खरेदी-विक्री करणाऱ्यांनी मोठ्या प्रमाणात गर्दी केली होती.
शिरूर, हवेली, दौंड, श्रीगोंदा आदी तालुक्यातील शेतकऱ्यांनी येथील बाजारात शेळ्या व मेंढ्या विक्रीसाठी आणल्या होत्या.

03521