ओतूरला मधमाशी पालनाची आजपासून मोफत कार्यशाळा

ओतूर ता.१५ : ओतूर (ता.जुन्नर) येथील अण्णासाहेब वाघिरे महाविद्यालयामध्ये शेतकरी तसेच विद्यार्थ्यांसाठी गुरुवारी (ता. १६) व शुक्रवारी (१७ मार्च) दोन दिवसीय मोफत मधमाशी पालन कार्यशाळा आयोजित केली आहे.
कार्यशाळेत मधमाशीचे शेतीमधील महत्त्व, प्रकार, पोळ्याची रचना, फुलांच्या झाडांची लागवड, पालनासाठी अवजारे, किडी व रोग व त्याचे नियंत्रण, मधमाशी पासून मिळणारे विविध पदार्थ, विविध हंगामात पेटीची काळजी, मधाचे व विविध प्रॉडक्ट्स चे फायदे, भारतातील आणि परदेशातील मधमाशीपालनामधला फरक, स्वतः मधमाशीच्या पेटीची हाताळणी व त्यांचे निरीक्षण, सरकारच्या मधमाशी पालन संदर्भात योजना, असे विविध विषयांवर मार्गदर्शन करण्यात येणार आहे. यावेळी प्रशिक्षण देण्यासाठी पुणे येथील केंद्रीय मधमाशी पालन प्रशिक्षण व संशोधन संस्थेचे मास्टर ट्रेनर प्रा. हेमंतकुमार डुंबरे हे उपस्थित राहणार आहेत. जुन्नर तालुक्यातील शेतकऱ्यांनी व विद्यार्थ्यांनी या संधीचा लाभ घ्यावा असे आवाहन महाविद्यालयाचे प्राचार्य यांनी केले आहे. सर्वानी सहभागी होण्यासाठी अण्णासाहेब वाघिरे महाविद्यालयात ऑफिसमध्ये किंवा प्रा डॉ.व्ही.डी.जाधव, मोबाईल नंबर -९८९०२२९०३७ यांच्याशी संपर्क साधावा.