ओतूरला कांद्याच्या १६ हजार पिशव्या

ओतूर, ता. ३१ : ओतूर (ता. जुन्नर) येथील कृषी उत्पन्न बाजार समितीच्या उपबाजारात कांद्याच्या १६ हजार ३३७ पिशव्यांची आवक झाली असून, त्यात उच्च प्रतिच्या कांद्याला किलोला ४९ ते ५४ रुपयांपर्यंत बाजारभाव मिळाला असल्याची माहिती कृषी उत्पन्न बाजार समितीचे सभापती संजय काळे, उपसभापती प्रीतम काळे व व्यवस्थापक दीपक मस्करे यांनी दिली. ओतूर उपबाजार कांद्याचे आठवड्यात रविवारी व गुरुवारी कांद्याचे लिलाव होता. गुरुवारी (ता. ३१) कांद्याच्या एकूण १६ हजार ३३७ पिशव्यांची आवक झाली आहे. त्यास प्रति १० किलोला गोळा कांदा ४९० ते ५४०, सुपर कांदा ४०० ते ५००, गोल्टी, गोल्टा २०० ते ४००, बदला कांदा १०० ते ३५० रुपये असे मिळाला आहे.