कृषी अधिकाऱ्यांकडून उंडवडीत पीक पाहणी

उंडवडी, ता. ७ : उंडवडी सुपे (ता. बारामती) परिसरात तालुका कृषी अधिकारी सचिन हाके यांनी रब्बी हंगामातील विविध पिकांची पाहणी केली. यावेळी त्यांनी शेतकऱ्यांना आधुनिक शेती तंत्रज्ञान, पाणी व्यवस्थापन, खतांचा संतुलित वापर आणि रोगनियंत्रणाबाबत मार्गदर्शन केले.
यावेळी मंडळ कृषी अधिकारी गणपत वाघमारे यांनीही क्षेत्रनिहाय सूचना देत उत्पादनवाढीसाठी आवश्यक उपाययोजनांवर भर दिला. या पाहणीप्रसंगी शेतकरी हेमंत भोसले, संजय गवळी, दत्तात्रेय गवळी, अमोल गवळी आणि संतोष गवळी उपस्थित होते.