इंदापूर शिक्षक पतसंस्थेच्या सभापती धायगुडे

वडापुरी, ता. ५ : इंदापूर तालुका प्राथमिक शिक्षक पतसंस्थेच्या सभापतीपदी आदिनाथ धायगुडे व उपसभापतीपदी रामचंद्र शिंदे यांचा एकमेव अर्ज आल्याने त्यांची बिनविरोध निवड झाली. या वेळी निवडणूक निर्णय अधिकारी म्हणून सहायक निबंधक गावडे यांनी काम पाहिले. या वेळी नूतन सभापती व उपसभापती यांनी निवडीनंतर सांगितले की, राज्यमंत्री दत्तात्रेय भरणे यांच्या मार्गदर्शनाखाली सर्व शिक्षकांना सोबत घेऊन पतसंस्था जिल्ह्यात अव्वल राहील, यासाठी काम करण्यात येणार येईल.

या वेळी राष्ट्रवादी काँग्रेसचे युवा नेते दीपक जाधव यांनी नूतन संचालक मंडळाचा सत्कार करून भावी वाटचालीस शुभेच्छा दिल्या. या वेळी नवनिर्वाचित २१ सदस्यांसह शिक्षक संघाचे अध्यक्ष व पॕनेलप्रमुख नानासाहेब नरुटे, इब्टा शिक्षक संघटनेचे सहदेव शिंदे, शिक्षक भारतीचे सतीश शिंदे, कास्ट्राईब संघटनेचे मिलिंद देटगे, अनिल जाधव, सुरेश भोंग, नानासाहेब दराडे, अनिल रूपनवर, डीसीपीएसचे मंगेश शेंडे यांच्यासह शिक्षक मोठ्या संख्येने उपस्थित होते.