हिंगणगाव सोसायटीच्या अध्यक्षपदी ॲड. तांबिले

वडापुरी, ता. १२ : हिंगणगाव (ता. इंदापूर ) येथील हिंगणगाव विविध कार्यकारी सहकारी सोसायटीच्या अध्यक्षपदी ॲड.राजेंद्र तांबिले यांची बिनविरोध निवड करण्यात आली.
निवडणूक निर्णय अधिकारी म्हणून बाळासाहेब बंडगर यांनी काम पाहिले. यावेळी सोसायटीचे सचिव मुजीब शेख उपस्थित होते.
निवडीनंतर तांबिले म्हणाले कि, हिंगणगाव येथील विविध कार्यकारी सहकारी सोसायटी इंदापूर तालुक्यात नावाजलेली सोसायटी आहे,त्यामुळे सोसायटी मध्ये काम करत असताना सर्व संचालक मंडळ व शेतकऱ्यांना सोबत घेऊनच काम केले जाईल. सोसायटीच्या माध्यमातून शेतकऱ्यांना जास्तीत जास्त कसा फायदा होईल यासाठी प्रयत्न केले जातील, असे तांबिले यांनी सांगितले. दरम्यान, सोसायटीत नवीन निवडून आलेल्या संचालक मंडळाचा सत्कार करण्यात आला. यावेळी शेतकरी बांधव व ग्रामस्थ उपस्थित होते.

01505