लोणच्याचा आंबा महागला

लोणच्याचा आंबा महागला

वडापुरी, ता. १६ : यावर्षी जरी अवकाळी पाऊस व वाऱ्यामुळे कैऱ्यांचे नुकसान झाले असले तरी इंदापूर तालुक्यात घरगुती लोणचे बनवण्यासाठी महिलांची लगबग सुरू असल्याचे ग्रामीण भागात पाहावयास मिळत आहे.
यावर्षी झालेल्या अवकाळी वादळी वाऱ्यासह पावसामुळे लगडलेल्या गावरान कैरीचे प्रचंड नुकसान झाले आहे. त्यामुळे लोणच्याच्या कैरीचे दर वाढले आहेत. मसाल्याच्या किमतीतही वाढ झाल्याने घरगुती गावरान लोणचं बनवायला येणाऱ्या खर्चात यावर्षी वाढ झाली आहे. तरी देखील लोणच्याच्या आंब्याला ग्रामीण भागात मोठी मागणी आहे.

शेतात चार आंब्याची झाडे आहेत, यावर्षी मात्र वातावरणात बदल व अवकाळी पाऊस झाल्यामुळे आंब्याचा मोहोर मोठ्या प्रमाणात गळून पडला. त्यामुळे लोणच्याची कैरी बाजारातून विकत घेण्याची वेळ आली. त्यातच भाव वाढीमुळे खर्च वाढला आहे.
- वंदना कदम, गृहिणी, वडापुरी.

यावर्षी आंब्याच्या हंगामात वादळी वाऱ्यासह अवकाळी पाऊस झाल्यामुळे आंब्याला मोठ्या प्रमाणात लागलेला मोहर गळून पडला आहे. त्यामुळे लोणच्यासाठी लागणाऱ्या कैऱ्यांचा बाजारात तुटवडा आहे. त्यामुळे यावर्षी लोणच्याच्या आंब्याचा भाव शेकडा दोनशे ते तिनशे रुपये आहे.
दशरथ जाधव, आंबा उत्पादक, काटी (ता. इंदापूर)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com