वेल्ह्यात दोन केंद्रावर परीक्षा

वेल्ह्यात दोन केंद्रावर परीक्षा

वेल्हे, ता. २१ ः बारावीच्या परीक्षेसाठी वेल्हे तालुक्यातील दोन केंद्रावर ५५४ विद्यार्थी परीक्षेला बसले आहेत. ज्युनिअर कॉलेज आर्ट्स अँड कॉमर्स विंझर आणि सरस्वती विद्यालय आंबवणे या ठिकाणी बारावीचे परीक्षा केंद्र असून विंझर येथे ३३१ पैकी ३२७ विद्यार्थी तर आंबवणे येथे २२७ पैकी २२७ विद्यार्थी परीक्षेला बसले होते.
आंबवणे केंद्रात केंद्र संचालक प्राचार्य एच. एम. घनवट तर उपकेंद्र संचालक एम. बी. बेंद्रे हे काम पाहत आहेत. विंझर येथे केंद्र संचालक म्हणून मधुकर पोवार, उपकेंद्र संचालक तानाजी सागळे तर बोर्डाकडून कैलास जाधव, राजेश देशमुख हे काम पाहत आहेत.
कोणताही अनुचित प्रकार घडू नये म्हणून दोन्ही केंद्रावर सहायक पोलिस निरीक्षक मनोज पवार यांच्या मार्गदर्शनाखाली चोख बंदोबस्त ठेवला आहे. तर दोन्ही केंद्रावर भरारी पथकामधील डॉ. प्रियंका मिसाळ यांनी भेट दिली. पंचायत समितीचे पथक शिक्षण विस्ताराधिकारी दीपक नलावडे, केंद्रप्रमुख दिलीप राजगुरू यांनी देखील केंद्रांना भेटी दिल्या. तसेच महसूल विभागातील तीर्थगिरी गोसावी, उत्तम आगलावे, सुधीर जायभाय, गोपाळ गोडवे भरारी पथकांनी केंद्रांना भेटी दिल्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com