वाल्मीकी विद्यालयात ९५५ विद्यार्थ्यांनी केली योगासने

वाल्हे, ता. २२ : वाल्हे (ता. पुरंदर) येथील महर्षी वाल्मीक विद्यालयामध्ये जागतिक योगदिनानिमित्त शिबिर भरवण्यात आले होते. प्राचार्य अब्दुलगफारखान पठाण व पर्यवेक्षक बाबासाहेब कुंभार यांच्या मार्गदर्शनाखाली योगदिनाची मानवी प्रतिकृती तयार करण्यात आली. यावेळी विद्यार्थ्यांसह शिक्षकांनी ''हम फिट तो वाल्हे फिट'' संदेश दिला. पाचवी ते बारावीपर्यंतच्या ९५५ विद्यार्थ्यांसह शिक्षकांनी एक तासभर सामुहिक योगासने केली.