पिंगोरी परिसरातील शाळांत शैक्षणिक साहित्याचे वाटप

वाल्हे, ता. ५ : पिंगोरी (ता. पुरंदर) येथील जिल्हा परिषद प्राथमिक शाळेसह परिसरातील बारा जिल्हा परिषद प्राथमिक शाळेतील शेकडो विद्यार्थ्यांना महाराष्ट्र नवनिर्माण सेनेचे तालुकाध्यक्ष उमेश जगताप यांच्या वतीने शैक्षणिक साहित्याचे वाटप करण्यात आले.

यावेळी कार्यक्रमाच्या अध्यक्षस्थानी शालेय व्यवस्थापन समिती अध्यक्षा सुप्रिया शिंदे, दीपाली शिंदे, नीलेश शिंदे, संतोष
शिंदे, अविनाश बारभाई, मल्हार कुडाळकर, अंगणवाडी सेविका वैशाली शिंदे, कुंभारकरवाडी शाळेचे मुख्याध्यापक शागृंधर कुंभार, उपशिक्षिका विद्या म्हेत्रे आदी उपस्थित होते.

दरम्यान, ग्रामीण भागातील विद्यार्थ्यांची गरज ओळखून विद्यार्थ्यांना शैक्षणिक साहित्यासह वह्यांचे वाटप केल्याप्रसंगी पिंगोरीचे सरपंच जीवन शिंदे यांनी उमेश जगताप यांचे आभार मानले.
मुख्याध्यापक सुनील जगताप यांनी प्रास्ताविक केले. सहशिक्षक सचिन सातभाई यांनी आभार मानले.
---------------------------
...